متدمعيش يا عين
متدمعيش يا عين
على اللي عدا وراح
متدمعيش يا عين
متفتحيش فى جراح
طول عمره كان الزمن والقاضي والدباح
فرق ناس عن اغلى ما ليهم
غرق ناس بدموع لياليهم
عود ناس على طعم المر
فرق ناس من ناس بالظلم
شرق غرب بدل لهم
كاس على كل الناس بيمر
ولا احنا اول ناس
ولا احنا اخر ناس
كان الزمن وياهم قاسي وكان جرااااااح
متدمعيش يا عين
على اللي عدا وراح
متدمعيش يا عين
متفتحيش فى جراح
طول عمره كان الزمن القاضي والدباح
عود قلبي يودع فرحه
زود المه وناره وجرحه
دبل كل معاني الحلم
عرض ليل الخوف ايامي
حرف كل لغات احلامي
نور كل مواني الظلم
وايه اللي بالامكان 
وانا فالحياه انسان
لو زمني حابب جرحي
سيب الزمن يرتاح
متدمعيش يا عين
على اللي عدا وراح
متدمعيش يا عين
متفتحيش فى جراح
طول عمره كان الزمن القاضي والدباح
اكبر قلب تحمل المه
اكتر واحد جرحه وظلمه
كل طريقي لا نور ولا شمع
اشكي حشكي لمين من مين
حبكي حبكي سنين وسنين
ايه حيفدنا يا عين من الدمع
ده فوق الجبين مكتوب
ناس فالاماني تدوب
وناس تعيش وتموت
محرومه من الافراح
Wapher
del.icio.us